Vallanes - Ormurinn
nálægt Vallanes, Austurland (Lýðveldið Ísland)
Skoðað 1817sinnum, niðurhalað 15 sinni
Myndir af leið
Lýsing ferðaáætlunar
LEIÐARLÝSING. Vallanes er í u.þ.b. 15 mínútna akstursleið frá Egilsstöðum á leið til Hallormsstaðar. Beygt er í norður af aðalveginum í átt að Iðavöllum (af þjóðvegi 1 inná Upphéraðsveg nr. 931). Gin Ormsins (N65°11.334 - W14°32.447) er á hægri hönd u.þ.b. 100 metrum eftir að komið er yfir trébrúna á afleggjaranum í Vallanes. Það er engu líkara en sjálfur Lagarfljótsormurinn sé kominn á þurrt land þar sem hann hlykkjast undir Hrafnaklettum, í elsta skógarreitnum í Vallanesi frá 1989. Á stígunum eru margir stuttir og spennandi hliðarstígar (flóttaleiðir) sem er hluti af leiknum. Í miðju er ,,augað “,svæði með bekkjum og góðri aðstöðu fyrir fjölskylduna til að matast. Ábúendur í Vallanesi bjóða ykkur að ganga Ormsstíginn og vona að þið njótið gönguferðar í skjóli trjánna.Leiðin er rúmlega 1 1/2 km. ef farnir eru allir hliðarstígar/ flóttaleiðir. Fjölskyldan ákveður sjálf hvaða leiðir hún fer í Orminum og hve langan tíma hún vill njóta í þessum ævintýraheimi.
Þú getur bætt við ummælum eða metið þessa leið
Athugasemdir